為保障公眾健康及推廣無煙文化,香港吸煙與健康委員會同職業安全健康局合辦香港「無煙領先企業大奬2016」,鼓勵企業宣揚無煙信息及推動戒煙,成功吸引超過480間企業同機構參與,受惠員工超過65,000人。

今屆有13間企業獲頒發金奬,其中3間更獲得「三年卓越金奬」,表揚佢地持續推行無煙措施嘅努力。

佢地分別喺

置富資產管理

 

要成功落實無煙嘅政策實有賴於我地同事嘅努力同支持

亦都成立咗一個無煙文化委員會,定期去檢討我地嘅無煙政策

另外, 係市民大眾方面我地都會定期有些唔同嘅比賽,例如標語創作比賽,亦有定期展覽推廣無煙信息

 

我地金融行業嘅員工所承受嘅壓力其實都相當大,工作時間亦都特別長

所以我地公司推廣咗個Well-being programme

裡面譬如話有行山、健康講座、瑜伽、水果日等好多唔同類型嘅活動,希望令到員工可以減壓,可以取代吸煙嘅習慣

 

葵涌醫院

 

其實喺醫院入面我地都有成立咗一個反吸煙嘅委員會

每年一次我地都會舉行一個活動

等病友同同事都知道葵涌醫院係無煙環境下運作, 會有一個更加健康更加開心的工作環境裡面

 

係公司政策支持下,我地成立咗一個奬勵計劃

我地提供咗一個平台同誘因俾同事踏出戒煙嘅第一步

希望鼓勵同事戒煙嘅日數越長,佢嘅奬品就越豐富

第二我地係指定吸煙區嘅位置做咗一些好警惕性嘅煙灰盎同煙頭箱

最後我地相信無煙嘅文化有效推動和提升我地建築業嘅專業形象

 

其他金獎企業亦透過舉辦多元化活動,推廣無煙文化。

 

如果用一個說教式其實同事都未必會容易去接受

但透過一個靜觀瑜珈活動之後,佢地會睇到自己工作上、身心上,自己主動戒煙個決心喺會大好多

作為中小企,第一我地可以除咗喺我地自己員工方面推廣無煙嘅工作間之外

第二樣嚟講我地覺得亦都要集合我地中小企嘅力量,亦都通過我地嘅員工,將無煙嘅文化推廣俾親朋戚友,令到更多人睇到無煙文化嘅好處

 

其實我地公司同事的年紀比較年長,另外佢地嘅煙齡可能長逹有20年以上

所以推行這個無煙計劃,不能操之過急

要希望佢地可以養成良好嘅戒煙習慣

為咗佢地家庭、小朋友、身體健康着想,用這種軟性方法鼓勵佢地

要成功戒煙,其他人嘅支持喺非常重要

有得獎企業就推動非吸煙員工去支持同事戒煙

 

當我地諗無煙日時,我地都會諗下到底點樣會令同事有興趣參與呢個無煙日

其中諗到的就喺棒棒糖,亦希望藉棒棒糖除咗食煙嘅同事可以用來代替枝煙之外

其他唔食煙嘅同事去鼓勵食煙嘅同事嗰日唔好食煙,就食這個棒棒糖

 

我地公司俾啲動力員工令佢地知道吸煙喺唔好

小組裡面有啲成功戒煙嘅同事分享佢地經驗

點樣可以戒煙、戒煙有咩好處,戒煙之後同屋企人嘅關係有咩改善

一切嘅嘢都可以喺互助小組裡面發揮佢嘅功效

 

戒煙包係極具創意

係一些我地非吸煙嘅同事

為咗一些吸煙嘅同事寫了一些字句鼓勵同希望令到佢地有個信心戒煙

呢個亦達成我地預期的目的和成效相當之高

 

我地部門一向都好注重職員嘅身心健康,希望為職員提供優質嘅工作環境

就喺2013年嘅1月1號,懲教署正式將東頭懲教所列為無煙院所,同時亦成為香港首間成人嘅無煙懲教設施

當中透過宣傳、教育、鼓勵嘅方法去推動無煙嘅文化

 

我地領展喺旗下近1千萬平方呎嘅零售物業提供免費場地,設置戒煙大贏家招募攤位

活動場地係遍佈港九新界,能夠接觸唔同嘅階層市民

攤位活動喺數個月入面錄得超過500名嘅吸煙人士參加這個活動,成績令人鼓舞

 

香港賽馬會零售部喺過去兩年都不斷透過我地嘅投注站

將無煙嘅資訊介紹俾街坊同市民大眾

透過呢啲無煙嘅宣傳,我地可以俾佢地意識到戒煙嘅好處

最終喺希望可以令到整個社區環境改善

 

可以提升企業品牌形象

可以一同投入無煙生活

可以提供健康工作環境

可以共享無煙清新環境

可以保障員工健康

可以推動職安健文化

可以鼓勵員工互相支持

可以體現關懷員工文化

可以提升員工工作效率

可以履行企業社會責任

可以建立正面企業形象

可以共同締造無煙城市

可以一同建設無煙香港

期望參與香港無煙企業領先大奬嘅機構可以持續推行無煙嘅措施

同時亦希望可以推動到同業支持無煙文化

令自己、我哋嘅同下一代,同埋社會,可以有一個無煙健康嘅環境